O noso Magosto!

Queredes vernos celebrando o Magosto e comendo castañas?

O Magosto

En novembro ten lugar o magosto, celébrase especialmente o día de Tódolos Santos (1 de novembro) e o de San Martiño (11 de novembro). O lugar orixinario onde se celebraba era no monte, mais hoxe en día celébrase tamén na casa, ao carón do lume no fogar, nun rincón da aldea...

     A xente reuníase para asar e, despois, comer as castañas. Cando terminaba o magosto tiñan lugar xogos e bailes. O xogo máis común era o de tiznarse a cara uns aos outros.

     Os magostos están relacionados co día dos defuntos porque existía a creencia de que por cada castaña que se comía se liberaba unha alma do purgatorio.

     Os elementos básicos do magosto son: as castañas, o lume e o viño. Os zonchos eran os collares ou rosarios de castañas cocidas coa monda e atravesadas cun fío, esta é unha costume que aínda hoxe se mantén.

     Actualmente realízanse magostos en case tódolos lugares de Galicia, pois se intenta recuperar a costume.

Adiviña

Son verde e non son limón,
son moura e non son carbón,
son vermella e non son sangue,
son branca e non son papel,
que cousiña son?

O próximo martes 11 de novembro celebrarémolo magosto co resto do cole. Comeremos castañas e pasarémolo xenial! 

MAGOSTO

Seguindo a tradición do Magosto, no "cole" tamén nos quixemos reunir para celebrar esta festa. Aquí vos deixamos unhas fotiños para que lles botedes unha ollada e comprobar o ben que o pasamos!